Ttrilekh
હવે ઈરાન પર પ્રચંડ એટેક થશે.
+++++++++++++
ચાર દિવસના યુદ્ધ વિરામ બાદ હવે ઈરાન પર આક્રમણની દહેશત જાગી છે. આથી યુદ્ધ વધુ ભયાનક bnsh
ઈઝરાયલ અને હમાસ વચ્ચે ચાલી રહેલા ભીષણ યુદ્ધમાં 1300થી વધુ લોકોએ જીવ ગુમાવ્યો છે. ગાઝાનાં મોટાભાગ ના વિસ્તારો નેસ્ત નાબુદ થઇ ચૂક્યું ત્યારે શરતોને આધીન 4 દિવસનો યુદ્ધ વિરામ કરવામાં આવશે.
ઈઝરાયેલ અને હમાસના આતંકવાદીઓ વચ્ચે ભીષણ યુદ્ધ ચાલી રહ્યું છે.આ યુદ્ધ હમાસના આતંકવાદીઓ દ્વારા શરૂ કરવામાં આવ્યું હતું, ત્યારબાદ ઈઝરાયેલે પણ જોરદાર વળતો હુમલો કર્યો હતો. મીડિયા રિપોર્ટ અનુસાર ઈઝરાયલ તરફથી હુમલો કર્યા પછી બંને દેશના કુલ 1,300થી વધુ લોકોએ જીવ ગુમાવ્યો છે. ઈઝારાયલમાં 700થી વધુ લોકોએ જીવ ગુમાવ્યો છે અને ગાઝામાં 560થી વધુ લોકોએ જીવ ગુમાવ્યો છે. ઈઝરાયલના વિદેશ મંત્રી એલી કોહેને જણાવ્યું છે કે, હમાસે 100થી વધુ લોકોને બંધી બનાવ્યા છે અને તેમને ગાઝા લઈ જવામાં આવ્યા છે.
પણ અંહી પ્રશ્ન એ ઊભો થાય છે કે ઇઝરાયેલ પર હુમલો કરવા માટે હમાસને ભંડોળ કોને પૂરું પાડ્યું? શસ્ત્રો કોને પૂરા પાડ્યા? અને તેને હુમલાઓ માટે કોને તાલીમ આપી? જો કે હવે એ સ્પષ્ટ થઈ ગયું છે કે આ ભયાનક હુમલા માટે હમાસને ઈરાન પાસેથી મદદ મળી છે. એ વાત તો જાણીતી છે કે ઈરાન અને ઈઝરાયેલ વચ્ચેની દુશ્મની ઘણી જૂની છે. હવે આ પાંચ કારણોને જોઈ યુદ્ધ નિષ્ણાતોને લાગે છે કે ઇઝરાયેલ ઈરાન પર હુમલો કરી શકે છે.
ઈરાન હમાસ અને હિઝબુલ્લાહને ખુલ્લેઆમ સમર્થન આપી રહ્યું છે
લગભગ 4 વર્ષ પહેલા લેબનોન સ્થિત આતંકવાદી સંગઠન હિઝબુલ્લાહે ચેતવણી આપી હતી કે જો અમેરિકા ઈરાન સામે યુદ્ધ શરૂ કરવાની તસ્દી લેશે તો ઈઝરાયેલને નિર્દયતાથી બોમ્બમારો કરીને જવાબ આપવામાં આવશે. એટલે કે ઈરાન સમર્થિત આતંકવાદીઓ રાહ જોઈને બેઠા હતા કે ક્યારે ઇઝરાયેલ પર હુમલો કરવાની તક મળે. સાથે જ તે સમયે ખુલાસો થયો હતો કે ઈરાને તેનો પરમાણુ કાર્યક્રમ ઘણી હદ સુધી પૂર્ણ કરી લીધો છે અને ત્યારે ઈરાની સેનાએ એક અમેરિકન ડ્રોનને તોડી પાડ્યું હતું. એવું કહેવાય છે કે તત્કાલીન અમેરિકી રાષ્ટ્રપતિ ડોનાલ્ડ ટ્રમ્પે ઈરાન પર હુમલાનો આદેશ પણ આપ્યો હતો પરંતુ બાદમાં તેને પાછો ખેંચી લીધો હતો. હિઝબુલ્લાહ ઈરાન પાસેથી સૈન્ય તાલીમ, શસ્ત્રો અને ભંડોળ પણ મેળવે છે. તેને સીરિયામાંથી પણ સમર્થન મળી રહ્યું છે.
ઈઝરાયેલ શરૂઆતથી જ કહેતું આવ્યું છે કે ઈરાન તેની વિરુદ્ધ સીરિયાની જમીનનો ઉપયોગ કરે છે. જુલાઈ 2006માં પણ હિઝબુલ્લાહ લડવૈયાઓએ ઈઝરાયેલ પર રોકેટ છોડ્યા હતા. તેના જવાબમાં ઈઝરાયેલે લેબનોન પર હવાઈ હુમલો કર્યો જેમાં લગભગ 1200 લોકો માર્યા ગયા. 160 ઈઝરાયેલ સૈનિકો પણ માર્યા ગયા હતા. એટલે એ નિશ્ચિત છે કે હવે ઇઝરાયેલ હિઝબુલ્લાના કોર પર ટક્કર મારશે. તેથી ઈરાન પર હુમલો નિશ્ચિત માનવામાં આવે છે.
બીજી બાજુ સાઉદી માટે માથાનો દુખાવો છે યમનના ઈરાન સમર્થિત હૂતી ગોરિલ્લા છે.
ઈરાનને નબળું પાડીને ઈઝરાયેલ મધ્ય એશિયામાં સમર્થન એકત્ર કરવા ઈચ્છે છે. સાઉદી અરેબિયાએ ગયા વર્ષે જ હૂતીઓની જગ્યાઓ પર ઘાતક હવાઈ હુમલા કર્યા હતા, પરંતુ હૂતી ગોરિલ્લા હજુ પણ તેને ધમકી આપે છે. હૂતીઓ સામે સાઉદીની આગેવાની હેઠળનું ગઠબંધન યુએઈ પણ છે. યમન પર કબજો કરવાની લડાઈમાં સાઉદી અરેબિયા અને અન્ય ખાડી દેશો અને ઈરાન વચ્ચે પ્રોક્સી વોર ચાલી રહી છે. ઓગસ્ટ 2020 માં, ઇઝરાયેલ અને UAE વચ્ચે સમજૂતી થઈ, ઇઝરાયેલ પણ ઈરાન વિરોધી ગઠબંધનમાં પ્રવેશ્યું. કારણ કે હૂતીઓને મળેલા મોટા ભાગના શસ્ત્રો ઈરાનથી છે. ઘણા અહેવાલો આવ્યા છે કે UAE એ ઇઝરાયેલની એર ડિફેન્સ સિસ્ટમ ખરીદવામાં ખૂબ રસ દાખવ્યો હતો. હવે એવું લાગી રહ્યું છે કે આ દેશોનો વિશ્વાસ જીતીને ઇઝરાયેલ પોતાના સામાન્ય દુશ્મનને ખતમ કરી દેશે.
ઈઝરાયેલ માટે તમામ સમસ્યાઓનું મૂળ છે ઈરાન
'વોલ સ્ટ્રીટ જર્નલે' શનિવારે ઈઝરાયેલ પર થયેલા હુમલાને ઈરાનનું સમર્થન ગણાવ્યું છે. અખબાર કહે છે કે હમાસને ઈરાનના સુરક્ષા અધિકારીઓ દ્વારા તાલીમ આપવામાં આવી હતી. 'વોલ સ્ટ્રીટ જર્નલ'એ ઈરાનના ઈસ્લામિક રિવોલ્યુશનરી ગાર્ડના કેટલાક જૂના અધિકારીઓને ટાંકીને કહ્યું છે કે હમાસ ઓગસ્ટ મહિનાથી ઈઝરાયેલ પર હવા, જમીન અને સમુદ્રમાં હુમલો કરવાની તૈયારી કરી રહ્યું હતું. ઈરાનના ઈસ્લામિક રિવોલ્યુશનરી ગાર્ડના અધિકારીઓએ જ હમાસ પર હુમલાની વિગતવાર રણનીતિ તૈયાર કરી હતી. ગાઝા અને ઈઝરાયેલ વચ્ચેની સરહદ માત્ર 37 માઈલ લાંબી છે.
ઈરાન પ્રત્યે નરમ બાયડન પર રિપબ્લિકન અને દક્ષિણપંથીઓનું દબાણ
ઈઝરાયેલ પર થયેલા ઘાતક અને અત્યાર સુધીના સૌથી મોટા હુમલા બાદ અમેરિકી રાષ્ટ્રપતિ જો બાયડન સંપૂર્ણ મદદની ઓફર કરી છે. પરંતુ બાયડનને પ્રશ્ન કરવામાં આવી રહ્યો છે કે તેમના વહીવટીતંત્રે કેદીઓની અદલાબદલી સાથે ઈરાન માટે છ અબજ ડોલરનું ભંડોળ કેમ મંજૂર કર્યું? આ મુદ્દો એટલો વેગ પકડી રહ્યો છે કે રિપબ્લિકન પાર્ટી હવે 2024ની રાષ્ટ્રપતિની ચૂંટણીમાંથી બાયડનને હાંકી કાઢવાની માંગ કરી રહી છે.
ફ્લોરિડાના ગવર્નર રોન ડીસેન્ટિસે કહ્યું કે, 'ઈરાને ઈઝરાયેલ સામેના આ યુદ્ધમાં ભંડોળમાં મદદ કરી છે અને જો બાયડનની નીતિઓએ ઈરાનની તિજોરી ભરી દીધી છે.' તેમણે કહ્યું કે બાયડનની નીતિઓ ઈરાન માટે ફાયદાકારક છે અને હવે ઈઝરાયેલ તેની કિંમત ચૂકવી રહ્યું છે.ઈરાન ગમે ત્યારે પરમાણુ હથિયારો મેળવી શકે છે
વર્ષોથી એવો દાવો કરવામાં આવે છે કે ઈરાન ગમે ત્યારે પરમાણુ બોમ્બ બનાવી શકે છે. તાજેતરમાં ફરી એવા અહેવાલો આવ્યા છે કે ઈરાન માત્ર બે અઠવાડિયામાં પરમાણુ હથિયાર બનાવી શકે છે. યુએસ ડિફેન્સ મિનિસ્ટ્રીએ સ્ટ્રેટેજી ફોર કાઉન્ટરિંગ વેપન્સ ઓફ માસ ડિસ્ટ્રક્શન રિપોર્ટ 2023માં આ જાણકારી આપી છે. મે 2023માં મળેલી સેટેલાઇટ તસવીરોથી એ પણ ખુલાસો થયો હતો કે ઈરાન પહાડોની નીચે પરમાણુ શસ્ત્રો બનાવી રહ્યું છે.
2010 થી અમેરિકાએ ઈરાનને પરમાણુ બોમ્બ બનાવવાથી રોકવા માટે યુએન સિક્યુરિટી કાઉન્સિલ, યુરોપિયન યુનિયન વગેરે તરફથી પ્રતિબંધો લાદ્યા હતા. જાન્યુઆરી 2020માં અમેરિકી રાષ્ટ્રપતિ ટ્રમ્પે ફરીથી ઈરાન પર કડક પ્રતિબંધો લગાવ્યા હતા પરંતુ એવું કહેવામાં આવી રહ્યું છે કે બાયડનના આવ્યા બાદ ઈરાન પ્રત્યે અમેરિકાનું વલણ ફરી નરમ થઈ ગયું છે.
સુરેશ ભટ્ટ
कोई टिप्पणी नहीं:
एक टिप्पणी भेजें
FREE TSROT READING